FO
IS
NO/DK
GL
EN
NORA tassaavoq Nuna Avannarlerniit akornanni suleqagiisitaliaq, Nordisk Ministerråd-ip ataaniittuulluni. Taamaattumik nittartakkakkut saqqummiunneqartartut Skandinaviami (Svensk-isut, Norsk-isut Qallunaatullu) oqaatsit atorneqartut aallaaviusassapput.

Suliniutinut tapiissutit

Suliniutinut tapersiivigineqarnissamut ilitsersuut

 

NORA-p suleqatigiilluni suliniutit, nunanit NORA-mi ilaasortanit sisamaasunit (Kalaallit Nunaat, Island, Savalimmiut aamma Norgep sineriaa) ikinnerpaamik marlunnit suleqa­taaffigineqar­tut tapersiiffigisarpai. Suliniutit tamarmik sule­qatigiiffiup siu­nertaanut pingaarnernut attuumassuteqas­sapput: nunanik atlantikup avannaamiuinik, aningaasarsiorlu­artunik im­minullu napatittunik nukittuunik ineriartortuar­tunillu siuar­saa­nissaq. Suliniutittaaq suleqatigiiffiup periusissiat pillugit piler­saarutaanut sukkulluunniit atuuttunut naapertuu­tissapput. Kik­kulluunniit – suliffeqarfiit, pi­sortat sullissivii, inuit ataasiakkaat il.il. – qinnuteqarsin­naapput.

NORA suliniutinut ukiumi ataatsimi ingerlanneqartussanut suli­niutinullu ukiut pingasut tikillugit ingerlanneqartussanut ukiu­mut annerpaamik 500.000 DKK-inik, imaappoq piffissa­mut ta­marmut annerpaamik 1,5 mio. DKK-inik tapersiisin­naavoq. Suliniutinut qinnuteqaatit NORA-p suliassanik pi­ngaarner­siui­nermi salliutitaanut, 2021-miit 2024-mut peri­usissiat pillugit pi­lersaarummi nassuiarneqartunut sammi­suussapput. Suliassat taakku annertunerusumik paasisaqar­figisinnaavatit immikkoortumi ”Qinnuteqarnialersaarpugut”, taakkulu aamma periusissiat pillugit pilersaarummi itinerusumik nassuiarneqarput.

NORA-p tamatuma saniatigut Nunat avannarliit kimmut saniliinik suleqateqarnerup ineriartortinneqarnera aalluppaa. Taamaattumik suliniutit aamma suleqatigisanik, pingaartumik Canadameersunik Skotlandimeersunillu akuutitsiviunissaat NORA-p kissaatigaa.

Suliniutinut ”taamaallaat” ilisimatusarnermut kul­turi­mulluun­niit tunngasutut taaneqarsinnaasunut TAPER­SIISAR­NEQ NORA-p ILEQQORINNGILAA. Taamaattut allatigut taper­siiffigine­qarsin­naapput, soorlu Nordforsk-imit aamma Nor­disk Kultur­fond-imit.

Suliniutinut tapersiivigineqarnissamik qinnuteqarnissamut ilit­sersuut una qinnuteqarnissami qanoq iliornissamut siun­ner­suutinik ilitsersuutinillu, ammalu tassunga atatillugu apeqquti­nik soqutiginarsinnaasunik imaqarpoq.

Qinnuteqaammik nassiussitinnak tamakku atuarluarnissaat pingaartuuvoq.

Qinnuteqarnissamik isumaliuteqartillutit imaluunniit qinnute­qaammik allatsillutit apeqqutissaqalissaguit, taakku ilaat ukuna­ni akissutissarsisinnaavatit "Qinnuteqalersaarpugut" aamma "Qinnuteqarpugut".

Suliniutit tapersiivigineqarsimappat nalunaarusiortarneq ani­ngaasallu tunniunneqartarnerat pillugit piumasaqaatit ukunani erseqqinnerusumik atuarsinnaavatit "Akueritippu­gut" aamma "Suliniut aallartippoq". Suliniutip naammassi­nerani nalunaaru­siornissamut naatsorsuutinullu piumasa­qaatit uani atuarsin­naa­vatit "Naammassilerpoq".

Qinnuteqarnissamut piffissaliussaq tulliuttoq 7/10-24.
(8/10-24, nal. 03:00 UTC).  

QINNUTEQAATIT SULIARINEQARTARNERAT