Nora

Siunissaq tunaartaralugu pilersaarutit

NORA (Nunani avannarlerni Atlantikumi suleqatigiinneq) tassaavoq Nunani Avannarlerni Ministerit siunnersuisoqatigiiffiata nunap immikkoortuini politikkikkut suleqatigiiffiata ataani naalagaaffiit akornanni kattuffik. 1996-imiilli NORA inuussutissarsiornermi suliaqartut aamma NORA-mi nunap immikkoortuani nunani sisamaasuni: Savalimmiut, Kalaallit Nunaat, Island aamma Kyst-Norge, suliaqartuusut allat akornanni suleqatigiinneq nukittorsarniarlugu sulivoq. NORA-p siunnerfia pingaarneq tassaavoq atlantikup avannaani nunap immikkoortuata nukittuunngortinnissaa ineriartortuartinnissaalu, aningaasaqarnernik nukittuunik piujuallaqqissunillu ilisarnaateqartumik. Atlantikup avannaani sumiiffiit taakkua Issittumi akuullutik ilaapput. Taamaattumik atlantikup avannaani unammilligassat kiisalu nunami sumiiffinni inuiaqatigiinnilu tunngaviusussat assigiipput, Issittumi atuuttuullutik. Nunani avannarlerni kitaani sanilinik, pingaartumik Canada-mik aamma Skotland-imik suleqateqarneq, NORA-mi nunap immikkoortuani suleqatigiinnermi pissusissamisoortutut ilaasutut isigineqarpoq.

NORA-mi Periusissiamut pisussanut pilersaarut 2017–2020 kattuffimmut ukiuni 4-ini allakkiaavoq aqutsisuusussaq. Periusissiaq, NORA-p suliniutaannut aammalu ingerlataannut, ukiumoortumik iliuusissanut pisussanut pilersaarutini allanneqartartunut, sammiviliisuuvoq.

Siunertat tamaasa uani atuakkit.