Suliniutinut tapiissutit

Qinnuteqarnialersaarpugut

”Suliniutinut tapersiivigineqarnissamut ilitsersuut” im­mikkoortup uuma siulianiittoq atuareerukku paasisi­massavat, NORA suliniutinut assigiinngitsor­passuarnut ta­persiisartoq. Suliniutilli tamarmik su­leqatigiiffiup siu­nertaanut pingaarnernut attuu­massuteqassapput: nunanik atlantikup avannaamiuinik, aningaasarsiorlu­artunik imminullu napatittunik nukittuunik ineriartor–tuartunillu siuarsaanissaq. Kikkulluunniit – suliffeqar–fiit, pisortat sullissivii, inuussutissarsiornermi suliatigut suliniaqatigiiffiit, inuit ataasiakkaat il.il. – qinnuteqarsinnaapput.

Digitaliusumik qinnuteqarfissaq aana.

 

Sammisat

Suliniutinut qinnuteqaatit NORA-p suliassanik pi­ngaar­nersiuinermi salliutitaanut sammisuussapput:

  • Nunap nammineq pissarititai iluaqutigalugit ani­ngaasarsiorneq
  • Nungusaataanngitsumik takornariartitsisarneq
  • Atoqqiineq tunngavigalugu aningaasarsiorneq
  • Assartuineq
  • Nukissiuutit
  • Sumiiffinni najugarisani periarfissat

Salliutitat 2021-miit 2024-mut periusissiat pillugit pi­lersaarummi erseqqinnerusumik atuakkit.

Suliniutinut aalajangersimasunut, aammali suliniutigi­niakkap tunngavianik siunertaanillu pitsanngorsaanis­saq imaluunniit suleqataasut amerlisinniarnissaat siu­nertaralugu piareersaatitut suliniutinut tapiiffigineqar­nissamik qinnuteqartoqarsinnaavoq.

NORAp Iliuuseriniakkanut pilersaarutaata 2023-p aam­mattaaq imarai sammisat soqutiginartut qinnuteqaru­masinnaasunut kajumigineqarsinnaasut. Iliuuseriniak­kanut pilersaarutip ukiumoortup Periusissiat pillugit pilersaarut tunngavigisarpaa, ukiumi atuuttumi salliu­tinneqartut immikkut sammillugit. Suliniut FN-ip Nunarsuarmi anguniagaanut ataatsimut arlalinnulluunniit sammisuusariaqarmat malugeqquar­put.

NORA-p suliniutaanut maanna ingerlanneqartunut as­sersuutit arlaqartut una toorlugu isumassarsiorfigisin­naavatit.

Suliniutinut kulturimut ilisimatusarnermul­luunniit tun­nganerusunut TAPERSIISARNEQ NORA-p ILEQQO­RINNGILAA.

SULEQATIGISAT AAMMA NUNAT PEQATAASUT

NORA-p suliniutaani suleqatigisat tassaasinnaapput suliffeqarfiit, pisortat sullissivii, inuit ataasiakkaat il.il., pingaartumillu nunani NORA-mi suleqataasuni naju­gallit.

Suleqatigiilluni suliniutit NORA-p suliniutinut aningaa­saliissutaanit tapersiivigineqassappata, taakku nunanit NORA-mi ilaasortanit sisamaasunit ikinnerpaamik mar­lunnit suleqataaffigineqarnissaat piumasaqaataavoq: Kalaallit Nunaat, Island, Savalimmiut aamma Norgep sineriaa. NORA suleqatissarsiornermi ikiuussinnaavoq.

NORA-p allattoqarfiisa qullersaanni NORA-milu sule­qataasut allattoqarfiini attavigineqarsinnaasut uani ta­kuneqarsinnaapput.

Suliniutinissaaq akuutinneqarsinnaapput suleqatit Nu­nat avannarliit kimmut saniliineersuneersut, pi­ngaar­tumik Canadameersut Skotlandimeersullu. Su­leqatilli nunanit taakkunanngaanneersut NORA-mit toqqaan­nartumik tapersiivigineqarsinnaanngillat, suli­niummilli siuarsaaqataasinnaallutik. Taamaakkaluar­toq allatto­qarfiit qullersaat, nunat atlantikup avannaa­miuisa su­leqatigiiffiat akimorlugu suliniutinik suleqati­giiffiusin­naasunik aningaasalersueqatigiissinnaaneq si­unerta­ra­lugu, Canadami aamma/imaluunniit Skotland­imi ta­persiisarneq pillugu suliniaqatigiiffiinnut saaffi­ginnis­suteqarnissami ikiuussinnaavoq. Suleqatissaq sullissi­villuunniit nunamit avannarlermeersuuppat, NORA-lli suleqatigiiffiata avataaneersuulluni, aammalu ilisima­saqarfia suleqatigiittussat katitigaaneranni pi­ngaaru­te­qartussatut nalilerneqarpat, taava pineqar­toq suleqa­tissatut akuutinneqarsinnaavoq.

SULINIUTINUT TAPERSIISSUTIT ANNERTUSSUSII

NORA-mit tapersiissutit amerlanerpaaffigisinnaasaat:

  • Suliniutip ukiumut missingersuutaasa tamarmiusut 50 procentiat
  • Sivisunerpaamik ukiuni pingasuni ukiumut 500.000 DKK-it, tassa annerpaamik 1.500.000 DKK-it.Taperser­neqarneq ingerlaannassappat piffissanut siusinnerusu­nut tunngatillugu NORA-mut naammassinngitsuuga­qartoqarsimassanngilaq.

NORA suliniutinut ukiut pingasut tikillugit tapersiisin­naagaluartoq, ukiut ataasiakkaarlugit qinnuteqarnis­saq pisariaqarpoq.

QINNUTEQARNISSAMUT PIFFISSALIUSSAT

NORA ukiumut marloriarluni qinnuteqartitsisarpoq. Si­ulleq januarip qeqqani allagarsiunneqartarpoq, qinnu­teqarnissaq martsip aallartinnerata missaanut killiler­neqartarluni. Tapersiinissaq junimi aalajangerneqar­tarpoq. Qinnuteqartitsinerit aappaat augustip qeqqani allagarsiunneqartarpoq, qinnuteqarnissaq oktoberip aallartinneranut killilerneqartarluni. Tapersiinissaq no­vember/decemberimi aalajangerneqartarpoq. Qinnu­teqarnissamut piffissaliussat eqqoqqissaartut nittar­takkami uani kiisalu ilaatigut inuit attaveqaqatigiittar­fiini aammalu NORA-p attaveqarfigisartagaani tamati­gut allagarsiunneqartarput. Qinnuteqarnermi immer­sugassaq uani aaneqarsinnaavoq.