Suliniutinut tapiissutit

Naggasiutaasumik nalunaarusiaq

Suliniutip naammassinerani nalunaarusiaq kingulleq (naggasiutaasumik killiffinnut nalunaarusiaq) aamma naatsorsuutit kukkunersioriikkat tunniunneqassapput. NORA-p nalunaarusiap kingulliup aamma naatsorsuutit akuerineqarnissaasa tungaanut aningaasaliissutinit tunniunneqartussat kingulliit, nalinginnaasumik 20-30 procentit, uninngatissavai.

Nalunaarusiami kingullermi suliniummi ingerlatat aammalu inerneri naammassineqartut tamakkiisumik takutinneqassapput. Nassuiaammi anguniakkat suliniummut pilersaarutaaqqaartumi allattorneqartut isummerfigineqassapput. Tassa imaappoq suliniummi anguniakkat ilai naammassineqarsimanngippata, tamanna nalunaarusiami kingullermi allassimassapput.

Suliniummi aamma piffissami suliniutip ingerlanneqarfiani ingerlatitseqqinnermi imaluunniit paasissutissiisarnermi ingerlatat suut naleqquttut ingerlanneqarsimanersut, nassuiarneqarnissaat naatsorsuutigineqarpoq.

Nalunaarusiaq kingulleq, soqutiginnittuusinnaasunut atorneqartussanngorlugu NORA-p nittartagaani ikkunneqarsinnaanngorlugu, iluseqartinneqassaaq. Tassa imaappoq nalunaarusiaq paasissutissanik isertuussaneq imaqaqqusaanngilaq – aammalu ingerlateqqikkuminartunngorlugu iluseqartinneqartariaqarluni. Oqaatsit skandinaviamiusuussapput (nalinginnaasumik danskisut imaluunniit Norge-miutut) imaluunniit tuluttuujussallutik. Nalunaarusiami ersarissumik allassimassaaq, suliniummi NORA-mit tapersiissutinik tigusaqartoqarsimasoq. Logo uani aaneqarsinnaavoq.

Naatsorsuutit

Suliniutip naammassinerani NORA-p naatsorsuutit kukkunersioriikkat tigussavai. Aallaaviatigut naatsorsuutit tamarmik kukkunersiuisartumit kukkunersiorneqarsimassapput, kisianni suliniutini annikinnerusuni – NORA sioqqutsisumik isumaqatigiissuteqarfigalugu – tamatumunnga taarsiullugu naatsorsuutit suliniummut aqutsisip suliffiani sulisumit naatsorsuutinut akisussaasuusumit atsiorneqarnissaat akuerineqarsinnaavoq. NORA-mit tapersiissutit naatsorsuutini ersissapput, taamatullu NORAp tapersiissutai missingersuutinut akuerisaasunut naapertuuttumik atorneqarsimasut, allassimassalluni. Naatsorsuutini peqatigisaanik suliniummut tamarmiusumut aningaasaqarneq eqqortumik takutinneqassaaq, taamaalillunilu NORA-mit aningaasalersorneqartut kisimik takutinneqassanatik. Tassa imaappoq, naatsorsuutini aamma tapersiisartunit aningaasaateqarfinnillu allanit aningaasaliissutit, aningaasanngorlugu nammineq aningaasalersuutit aammalu nammineq suliaqarnikkut aningaasalersueqataanerit aamma ilaatinneqassapput.