Ingerlatat
OECD Territorial Review of the NORA Region
2009-p 2010-llu ingerlanerini NORA-mi suleqataasut OECD-mit misissuivigineqarpoq. Inaarutaasumik nalunaarusiaq, OECD Territorial Review of the NORA Region: Faroe Islands, Greenland, Iceland and coastal Norway, NORA REGION CONFERENCE 2011 2011-mi 5. april København-imi Nordatlantisk Brygge-mi saqqummiunneqarpoq.
Nalunaarusiap saqqummiunneratigut nunat tamalaat akornanni suleqatigiiffimmit tutsuiginarluartumit Kalaallit Nunaanni, Savalimmiuni, Island-imi Norge-llu sineriaani naalakkersuinikkut aningaasarsiornikkullu siullerpaamik sukumiisumik misissuisoqarpoq saqqummiussisoqarlunilu.
OECD-p nalunaarusiaani ineriartornerup ilisarnaatai, unammilligassat minnerunngitsumillu periarfissarpassuit piginnaasarpassuillu NORA-mi suleqataasut akornanni nassaassaasut taakkartorneqarput nalilersorneqarlutillu. Taamaammat NORA-p tungaaniit naatsorsuutigineqarpoq, OECD-p nalunaarusiaa NORA-mi nunat ataatsimoortutut isigineqalernissaannut tapertaajumaartoq, akunnitsinnilu suleqatigiinnerup nukittorsarnerunissaanut toqqammaviiliumaartoq.
Misissuineq OECD-p iluani immikkut ilisimasalinnit suliarineqarpoq, taakkulu ukiup aappaata affaa atorlugu nunani NORA-mi suleqataasuni apersuinernik, naatsorsueqqissaartarfinnit kisitsisinik misissuqqissaarnernik nalunaarusianillu tunuliaqutaasunik nalilersuinernik ingerlassaqarsimapput. Nalunaarusiami innersuutini ilaatigut OECD makkuninnga ilanngussaqarpoq:
- Siunissaq tunaartaralugu pilersaarusiortariaqarpoq, taamatullu suleqatigiiffissat tungaasigut anguniakkatigullu NORA-p iluani ersarissumik oqaasertalerneqarnissaa siunertarineqartariaqarluni. EU-mi Østersø-mut atatilllugu iliuusissatut pilersaarutigineqartoq isiginiarneqarpoq, tassaasoq nunarsuaq tamakkerlugu siunissaq tunaartaralugu pilersaarusiani aqqutissiuussisutut taaneqartartoq. Taamatut suliassami qitiusumik ingerlatsinissaq NORA-mi ingerlanneqarsinnaasasoq OECD-mit isumagineqarpoq.
- Europa-p avannaani Amerikallu avannaani nunat avinngarusimasut immikkoortuisa akornanni attaveqaatitut inissisimanissaq NORA-mit nukittorsartariaqartoq.
- NORA-p iluani nunat suleqataasut NORA-lu suleqatigiiffittut nunap immikkoortuisa akornanni angallannikkut assartuinikkullu annertunerusumik attaveqaqatigiinnerit nukittorsarneqarnissaat pisariaqartinneqartoq.
OECD Territorial Review of the NORA Region: Faroe Islands, Greenland, Iceland and coastal Norway uani e-bog-itut atuarneqarsinnaavoq: her.
OECD Territorial Review of the NORA Region: Faroe Islands, Greenland, Iceland and coastal Norway pdf-format atorlugu uani aaneqarsinnaavoq: her.
NORA-p iluani OECD-mit Naliliinerit Innersuutigisallu (Vurdering og anbefalinger ) danskit oqaasii atorlugit naqitaq uani aanearsinnaavoq: her.
OECD-mi NORA pillugu Naliliinerit innersuutigisallu kalaallisut oqaasertalik uani aaneqarsinnaavoq: her.
OECD-p nalunaarusiaa pisortatigoortumik naqitaq uani nassaarineqarsinnaavoq: her.