Piffissaliussanik pilersaarut

Qinnuteqarnermi immersugassaq suliniutip siuner­taanik, inernerisassaatut naatsorsuutigisanik il.il. oqaasertaliinissamut atugassatut pingaarnersaa­voq. Allagaq suliniutip imarisaa oqariartuutaalu pil­lugit immikkut saqqummiussiffittut atuarneqarsin­naassaaq.

De minimis

Nunat avannarliit aningaasaataasa, Altantikup Avannaani Suleqatigiiffiup aningaasaataanut ilaa­sut naalagaaffimmit tapiissutit pillugit EU-p male­ruagassiai eqquutsittussaavaat. Kattuffiiit Nunani Avannarlerni Ministerit Siunnersuisoqatigiivisa ataaniittut 2019-imi nutaanik malittarisassiuunne­qarput, taakkulu NORA-mit malinneqarput.

Aningaasaliissutit ilissinnut neqeroorutigineqartut aningaasaliissutigineqaramik De Minimis Aid pillu­gu EU-p maleruagassiaanik eqquutsitsipput. NORA-mit tapiissutit nunat avannarliit tallimaasut naalak­ker­suisuineersuupput, nunanilu avannarlerni inger­la­talik, ukiut naatsorsuusiorfiusut pingasut ingerla­ne­ranni nunanit avannarlernit tamanit 200.000 EUR-nik tapiiffigineqarsinnaavoq. Tassa imaappoq sulif­feqarfik nunat avannarliit arlaanniittoq piffis­sap ukiunik pingasunik sivisussusillip iluani katillu­git 1.000.000 EUR-nik tunineqarsinnaavoq.

De minimis pillugu malittarisassat suleqatinut Sava­limmiuniittunut Kalaallillu Nunaanniittunut ATUU­TINNGILLAT. Tassa imaappoq taamaallaat suleqati­nut Norgemiittunut Islandimiittunullu atuupput. Tamanna Norgep Islandillu EØS-imut ilaanerannik, taamaalillutillu tapiissutit pillugit EU-p maleruagas­siaasa ataanniinnerannik pissuteqarpoq. Suleqati­nut Norgemiittunut Islandimiittunullu NORA-mit aningaasaliissutaasin­naasut De minimis-ip tapiis­su­taasut isigineqassap­put, taamaalillutillu 1.000.000 EUR-t katinneqarne­ranni ilanngunneqassallutik.

Suleqatit Norgemiittut Islandimiittullu NORA-mit tapiiffigineqartut, ukiut naatsorsuusiorfiusut ki­ngulliit pingasut ingerlaneranni nunanit avannarlernit NORA-milluunniit tapiiffigineqarsimagunik, pi-sortanit kikkunnit tapiissutinik tunineqarsimanertik pillugu uppernarsaammik immersuillutik atsiorlutillu nalunaaruteqassapput. Ingerlatsinermut akisussaasuusup, tassa imaappoq suliniummik aqutsisuusup suliffigisaata akisussaaffigaa, suleqatit Norgemiittut Islandimiittullu aningaasat amerlassusiinik eqqortunik nalunaaruteqarnissaat, taamaalillutillu De minimis-ip aningaasanut annerpaaffissaliussaa-nit amerlanerusunik tunineqannginnissaat qulak-kiissallugu. Suleqatigisaq ingerlatsinermut akisus-saasuusoq Savalimmiuniikkaluaruni Kalaallilluunniit Nunaanniikkaluaruni suleqatigisat Norgemiittut Islandimiittullu de minimis-ip piumasaqaataanik eqquutsitsinissaat isumagisassaraa.