FO
IS
NO/DK
GL
EN
NORA tassaavoq Nuna Avannarlerniit akornanni suleqagiisitaliaq, Nordisk Ministerråd-ip ataaniittuulluni. Taamaattumik nittartakkakkut saqqummiunneqartartut Skandinaviami (Svensk-isut, Norsk-isut Qallunaatullu) oqaatsit atorneqartut aallaaviusassapput.

Suliniutinut tapiissutit

INGERLATITSEQQIINERMUT SULINIUTINILLU INE­RIARTORTITSINERMUT TAPERSIISSUTIT

Qinnuteqartitsinerit nalinginnaasut marluusut sani­atigut NORA-p malittarisassai tapiiffigineqarnissa­mut periarfissamik allamik ammaassipput. Tassaa­voq siulittaasoqarfiup aningaasaliissutaanik taane­qartoq. Malittarisassani imaattumik allassimaso­qarpoq: ”Ataatsimiititaliap aalajangiisinnaatitaa­nermut piginnaatitsissut qitiusumik allattoqarfim­mut isumagisassanngortissinnaavaa, taassuma ataatsimiititaliap siulittaasua isumaqatigalugu suli­niummut ataatsimut 60.000 DKK-it aningaasaliis­su­tigisinnaassallugit, taamaattorli ukiumut ataatsi­mut annerpaamik katillugit 240.000 DKK-it. Ataat­si­miititaliaq pisuni tamani ilisimatinneqartassaaq.”

Suliniutit aaqqissuussamit tassannga tapiiffigine­qarsinnaasut pingaarnertut marluupput. Siulliit tas­saapput suliniutit, NORA-mut qinnuteqarsinnaa­nermut atatillugu attaveqaqatigiinnissamik suleqa­tigiinnissamillu ineriartortitsinissamik siunertallit, tassa suleqatigiinnissami tunngavissanik ineriartor­titsinissamik siunertaqartut. Periarfissap aappaa tassaavoq suliniutip ilai tassaappata nalinginnaasu­mik qinnuteqartitsinermi akissutisinissamut utaq­qissunneqarsinnaanngitsut. Soorlu tassaasinnaa­voq silarluttuarnera pissutigalugu suliniut piffissa­mi sivisuallaami kinguartinneqartariaqassatillugu, imaluunniit pinngortitami uumassusillit eqqarsaati­gineqartillugit, soorlu naatitassanik siaruarteriner­mut naatitanillu katersinermut atatillugu imaluun­niit allamik peqquteqarluni tullissaanik qinnuteqar­titsinissamut nalinginnaasumut utaqqisariaqarner­mi.

Suliniutit aappaat siulittaasoqarfiup aningaasaliis­sutaanik qinnuteqarsinnaasut tassaapput suliniutit NORA-mit tapiiffigineqarsimasut, naammassereer­simasullu imaluunniit naammassiartuaarneqartut. Suliniutit taakku suliamik inernerinik ingerlatitseq­qiinissamut tapiissutinik qinnuteqarsinnaapput. Soorlu filmiliorneq, ataatsimeersuarnermi sinnii­suutitaqarluni aamma imaluunniit ilaasortaatita­qarluni peqataaneq, ilisimatusaatit pillugit atuagas­siamut ilanngussaqarneq (soorlu OpenAccess-imut ikaarsaarnermut tapiissutit) imaluunniit soqutigi­naatilimmik ingerlatitseqqiinissaq alla. Ingerlatit­seqqiinissamut tapiiffigineqarnissamik qinnuteqar­nermi qinnuteqartup ingerlatap tapiiffigineqarnis­samik qinnutigisap suunera, aningaasat pisariaqar­tinneqartut, kiisalu NORA-p tapiiffigisaanik suliniu­tip ingerlateqqinniakkap sorpiaanera aammalu suli­ap inerneri/misilittakkat suut ingerlateqqinniarne­qartut nassuiaatigissavai.

Siulittaasoqarfiup aningaasaliissutaanit tapiiffigine­qarnissamik qinnuteqarniaraanni, taava qinnute­qartut qitiusumik allattoqarfik attavigissavaat qin­nuteqarnissamut immersugassamik nassinneqaru­mallutik.

Suliniutinut taakkununnga qinnuteqarnissamut pif­fissaliussamik aalajangersagaqanngilaq. Qinnute­qaatit tiguneqarneranniit kingusinnerpaamik ullut 14-it qaangiunneranni NORA-mit akineqartarnis­saat siunniussaavoq.